شوفها من زاوية تانية .. إيه إلي يخليك تعصية ؟
السلام عليكم و رحمة الله و بركاتة
ندخل في الموضوع علي طول http://www.goodwayinlife.com/forum/i...milies/s7n.gif
لسه النهاردة سامع درس للشيخ محمد العريفي إسمة ذكريات تائب
بجد من أحسن الدروس إلي سمعتها و بنصح الجميع بسماعها
المهم الشيخ حكي فيها قصة كعب إبن مالك
طبعا أغلبكم عارف القصة
وعارفين هو حصلة ايه عشان ربنا يتوب عليه بعد 50 يوم من الكرب و ضيق الصدر
لما فكرت فيها
طب ليه ربنا صعب عليه التوبة أوي وقتها و سهلها علينا كدة ؟؟
رغم أنه ذنبة في إنة تخلف عن الجهاد مع رسول الله في وجهه نظري جايز يكون أقل من كبائر كتيييييييير بنعملها و ربنا بيتوب علينا منها
بمجرد ركعتين صادقين لله و إستغفار من القلب ربنا بإذن الله يتوب عليك
بس فكرت إن ربنا صعبها عليها لإنة كان مؤمن من قلبة
مؤمن من قلبة !!!
اه مؤمن من قلبة
طب ما كلنا مؤمنين من قلبنا
هقولك لا
تقولي إزاي !!!!!!
هقولك
واحد زي دة عاش مع الرسول و حضر تصرفاتة و حضر معجزاتة و حضر نزول الوحي عليه
الإيمان كان راسخ جدا من قلبة
كانت الجنة و النار بالنسبة له يقين يقين يقين
هتقولي ما أنا عارف كل دة و مؤمن بيه
هقولك لو أنت مؤمن بيه أوي كدة مكنتش عصيت ربنا
مكنتش عملت أي حساب للدنيا
للأسف إحنا مؤمنين باللسان فقط
بس فكر مع نفسك كدة
لو أنت مؤمن فعلا من قلبك و متيقن من كل شئ هل هتشيل هم لحاجة في الدنيا
مش أنت مؤمن إنها زائلة ؟؟
هل هتعصي ربنا يوم من غير ما تتوب ( طبعا كلنا بشر وبنعصي ) لكن المفروض إنك عارف إنك ممكن تموت في أي وقت
هتعصي إزاي لو أنت فعلا متيقن من الحقيقة دي ؟؟
عمرك ما هتعصي أو علي الأقل هتخاف أو من المعصية و ترجع بسرعة لله سبحانة و تعالي
عشان كدة الصحابة كانوا ثابتين جدااااااااااااااااااااااا
طبعا كلكم عارفين قصص ثباتهم و تحملهم من الكفار و دفاعم المستميت عن الدين و عن الرسول و كلامهم إلي يهز القلب عن الدين
كنت بستغرب أوي من ثباتهم دة بس فهمت من وجهه نظري ليه
إحنا محتاجين قبل الصبر علي المعاصي و قمع النزوات و الشهوات
محتاجين الإيمان
فكر مع نفسك شوية هو أنا فعلا مؤمن إني ممكن أموت حالا ؟؟؟
هو أنا فعلا مؤمن بعذاب القبر ؟؟
هو أنا فعلا مؤمن بالجنة و النار ؟؟
ولو جتلك وساوس إدخل علي النت و شوف معجزات الله في خلقة
شوف الإعجاز العلمي في القرآن
إقرا شوية عن آيات الله إلي كانت من 1400 سنة و تحققت دلوقتي و بالعلم و المنطق
عشان كدة كنت اوقات بسال عن آيات إكتشفها العلماء دلوقتي و مكنتش موجودة زمان
قولت سبحانك يارب
لإن إحنا إلي محتاجين دة دلوقتي
زمان الإيمان كان راسخ في قلوبهم و كانوا عارفين هما عايزين إيه و هدفهم واضح
لكن دلوقتي الموضوع مختلف في ظل المجتمع و الظروف و حاجات كتير ربنا يطلعنا منها علي خير
عشان كدة كعب ابن مالك مكنش ليه أي مبرر للي عملة .. و عشان هو صالح رضي الله عنه فكان لازم التوبة و الفرج يجي بعد الكرب الي كان فيه
عشان يعرف إنه ضيع شئ مش سهل و إنه عارفة و متيقن منه
دي وجهه نظري البسيطة إلي حبيت أوضحها
إن ممكن يكون من وسائل التوبة إنك تزود إيمانك
بالدعاء
و بسماع الدروس و قراءة المقالات الي بتتكلم عن الإعجاز العلمي في القرءان و حاجات كتير موجودة و منتشرة تقدر تزود إيمانك و يقينك بيها
والحمدلله يارب ديننا و قرءانا مفيهوش غلطة سبحانك ياربي
و سبحانك ياربي إن أغلب معجزاتك يكتشفها علماء الغرب و يثبتوا صحتها
دي وجهه نظري حبيت أوصلهالكوا
و أتمني أسمع رأيكم و مشاركتكم
و جزاكم ربي كل خيرhttp://www.goodwayinlife.com/forum/i...20%2827%29.gif
